Inkontinenca urinare nuk është një gjendje e vetme. Ka disa lloje me mekanizma, shkaqe dhe trajtime të ndryshme. Diagnoza e saktë e llojit është hapi i parë drejt trajtimit efektiv.
📱 Rezervo KonsultëInkontinenca e stresit është lloji më i shpeshtë, sidomos tek gratë. Karakterizohet nga rrjedhja e pavullnetshme e urinës gjatë veprimtarive që rrisin presionin intraabdominal.
Ndodh kur sfinkteri uretral ose muskujt e dyshemesë pelvike janë të dobësuar dhe nuk mund të mbajnë urinën kur shtohet presioni i papritur.
Lindja vaginale (sidomos shumëfishe), menopauza, operacione pelvike paraprake, predispozicioni gjenetik dhe mbipeshja janë faktorët kryesorë rreziku.
Inkontinenca e urgjencës karakterizohet nga nevoja e papritur dhe shumë e fortë për të urinuar, e ndjekur nga humbja e kontrollit para se të arrini në tualet. Quhet edhe "fshikëza hiperaktive" (Overactive Bladder — OAB).
Shkaktohet nga tkurrjet e pavullnetshme të muskujve të fshikëzës (muskuli detrusor), të cilat ndodhin edhe kur fshikëza nuk është e mbushur.
Uji i ftohtë, larja e duarve, dëgjimi i ujit, emocionet e forta mund të shkaktojnë urgjencë të papritur.
Inkontinenca e përzier kombinon simptomat e të dy llojeve — stresit dhe urgjencës. Është shumë e zakonshme; shumë gra me inkontinencë të stresit kanë edhe elemente të urgjencës dhe anasjelltas.
Trajtimi kërkon qasje të kombinuar: teknika për dyshemenë pelvike (Kegel, elektrostimulim) dhe trajnim të fshikëzës. Mjeku do të identifikojë cilin komponent predominon dhe do ta trajtojë sipas prioritetit.
Mëso gjithçka rreth inkontinencës së përzier →Fshikëza nuk zbrazet plotësisht dhe mbushet sa rrjedh (pikëzim konstant). Zakonisht te meshkujt me probleme prostate, por edhe te gratë me cistocela. Karakterizohet nga rrjedhje e vazhdueshme e vogël ose pikëzim.
Cistocela dhe inkontinenca →Sistemi urinar është normal, por person nuk mund të arrijë me kohë në tualet për shkak të problemeve lëvizshmërie (artriti, sëmundje neurologjike, dobësi fizike). Kujdeset me adaptime mjedisore dhe rutinë mikturimi.
Shkaktohet nga dëmtimi i sistemit nervor (skleroza multiple, shpina bifida, lëndimet e shtyllës kurrizore, dëmtimi pas aksident cerebrovaskular). Trajtimi ndryshon bazuar tek lloji i dëmtimit nervor.
Humbja e plotë dhe e vazhdueshme e kontrollit urinar. Mund të jetë nga fistula vaginale (komunitim abnormal uretrë-vaginë) ose dëmtime të rënda sfinkteriale.
Diagnoza e saktë kërkon vlerësim profesional — vetëidentifikimi mund të jetë i pasaktë.
Gjatë konsultës, specialisti vlerëson: historinë e simptomave (kur ndodh rrjedhja, sa shpesh, sa sasi), ditarin e fshikëzës (regjistrim 3-ditësh), ekzaminimin fizik pelvik, analizën e urinës, dhe kur nevojitet, urodinamikën (matja e presionit të fshikëzës).
Si diagnostikohet inkontinenca urinare →